Keresawong.L.S

臨近年尾, 聚會總是一個接一個, 今晚相約幾位舊同事出來聚聚, 其中一位更是放題達人, 今次建議到尖沙咀一帶食放題, 經佢帶隊下黎到呢間新開放題, 原來前身為"相樸手放題餐廳" (之前都有食過), 未知轉左手之後, 食物質素如何。
 

剛巧有新開優惠價, 不用四百蚊就可以任食生蠔!! 每位入座仲有半隻自選煮法既龍蝦。

話雖預早訂位, 放題時間開始前半個鐘, 無論是已訂檯/walkin各排了長長人龍安排入座。
呢度分為自助跟wechat落單order食物, 點菜途徑確實有點特別, 夠哂環保!! 同埋避免漏單/錯單情況出現。

自助吧供應即開生蠔、甜品、少量熟食、限量供應既款式等...

生蠔吧最受大眾歡迎, 每人每次只分到兩隻, 不過餐廳開蠔開得快令大家好快可以拎到唔洗久等。生蠔為日本品種, 賣相不算肥美, 但朋友都大讚鮮甜, 多食幾隻其實都好快回本!

當晚限量供應為紐西蘭羊架, 但入座開始就要加緊留意限量供應既位置喇...因為餐廳唔會有任何提示出菜時間, 而且"限量"很少, 好快就冇! 幸運地當中有位眼利朋友火速拎到幾件返黎, 肉質粉嫩, 仲有少少血水滲出, 羊架juicy嫩滑帶些少羊羶味。
 

飲品款式放滿整個大雪櫃可供選擇,

而旁邊更有一部放題比較少有既新鮮即榨橙汁,
 

餐廳將一大堆橙從上放好, 榨汁機會自動榨出新鮮果汁, 絕無糖份, 非常健康! 出奇地橙汁都是清甜, 似乎是餐廳已預先選好。第一次食放題我唔會勁飲汽水, 反而肯全程選擇新鮮橙汁。

每人半隻龍蝦均於放題期間送上每位食客, 而我就揀左黃金海膽龍蝦, 熱辣辣上檯,  海膽份量不少, 跟龍蝦膏混成一體, 味道鮮味甘甜, 肉質更是爽口彈牙!

以wechat 落order, 環保之餘更減少漏單/錯單出現, 落order既種類包括有炸物、燒物、刺身、壽司、前菜等...雖然款式不算是包羅萬有, 但每款配搭, 特別係創作壽司都很精緻。野食都黎得幾快。

每款刺身新鮮, 而且均為厚切, 魚味十足, 滿足飽滿口感。

創作壽司 - 每款配搭都看得出用心創作, 賣相、味道同樣出色~

炸物即叫即炸, 每款炸物炸皮很薄, 而且沒有半點油膩。
炸鮮奶: 外皮鬆脆, 內裡為暖暖, 杰杰地, 甜甜地既牛奶
 

天婦羅蝦: 入面隻蝦幾爽
 

蝦兵蟹蓋: 細細隻蟹蓋, 釀滿一梳梳蟹肉, 真材實料, 盡顯鮮甜

芝麻雞翼: 表面香口, 內裡帶些少肉汁
海膽茶壺蒸: 海膽雖少, 但其他材料豐富, 層次豐富, 整體蛋味不算太重

燒菠蘿: 表面塗上薄薄一層焦糖, 令菠蘿更為清甜

串燒蝦: 略帶爽口, 表面有少少鹽帶出鮮味

牛油栗米粒: 牛油味很突出, 甜甜地

蟹粥以石頭碗盛裝, 熱辣辣滾住上檯, 粥底很杰, 不過味道偏鹹, 蟹肉不是實肉

甜品於雪櫃先取, 每款都很精緻, 當中吃了這兩款甜度剛剛好, 很幼滑

更有貴價雪糕跟韓國雪條供應任食。
 

還有自行ORDER既有機水果, 非常清甜...
 

雖然價錢對比坊間大部份放題貴, 但呢度主打任食生蠔, 更吃到龍蝦, 只要多吃幾隻生蠔其實都很輕易回本! 至於服務方面, 絕對是招呼周到, 很有禮, 經常主動收碟, 令同行所有人都讚口不絕! 值回票價~

————————————————
餐廳名稱：一樂
Address: 尖沙咀寶勒巷6-8號A盈豐商業大廈2樓
Tel.: 31880447
營業時間：
星期一至日: 18:00-23:30
設加一服務費
接受預先訂座: Yes
====================
Find me on
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog