Keresawong.L.S

天氣好而且涼涼地, 最岩就係約埋一班朋友出去戶外活動BBQ, 帶住小朋友冇時間準備野食。記得上年去過小欖BBQ, 印象中環境同埋野食質素唔錯, 而且最近仲新設"充氣彈床嘉年華"可供小朋友遊玩。
絕對岩哂一家大細放假黎個親子BBQ, 帶小朋友放下電。

係旺角街市有小巴可以直達小欖BBQ門口, 車程大約半個鐘左右, 交通算係幾方便。

假日收費, 成人每位HK$140, 長者/小童每位HK$110, 呢個價錢絕對係超值! 而且無限時任燒, 係好易回本!什至有賺!

開爐費HK$40, 入場自己揀好位置, 職員就會幫手開爐, 每個爐都會提供兩包碳 (其後自行購買: HK$16一包)

入場時, 都會每人派發飲品換領卷一張、一支樽裝水、餐具、燒烤叉。

另一邊就係食物部、飲品部, 只要拎住個鐵盤向職員選取食物, 佢地就會配給比我地。

一般BBQ的食物都很齊全, 包括有腸仔、魷魚、雞腎、叉燒粒、蜜汁金沙骨、黑椒牛扒、沙爹豬扒、牛仔粒、蜜味雞扒、豬頸肉、丸類、蔬菜類。
而BBQ必食既雞翼都有唔同味道既選擇, 想不到百幾蚊一位既任食BBQ, 選擇都可以有咁多。

而且不得不讚就係呢度既肉類醃得非常入味!! 特別係唔同味道既雞翼, 每款都各有特色, 令人食完一隻又一隻, 好食既當然有心機慢慢燒~

除左肉類, 麵包多士、瓜類、栗米都有供應。

每位入場除左包一支水, 仲可以免費換領一罐罐裝飲品。

有好多人擔心BBQ會曬/落雨會非常狼狽, 但呢度有帳蓬可以遮檔太陽, BBQ時都唔會怕陽光曬住, 而且設有風扇, 令比較入既BBQ位置空氣流通, 唔會有焗促感。

場內有幾款小遊戲可供大人小朋友一齊玩樂, 當然要額外收費啦~但價錢亦唔會太貴。

而最近主打既"充氣彈床嘉年華", 設於BBQ場地旁邊, 特別受小朋友歡迎, 有大量既空間比小朋友放電, 當然是額外收費啦!

唔洗二百蚊就可以任食BBQ, 而且食物味道唔錯, 水準對比上年依然保持到, 非常難得!!

————————————————
餐廳名稱：小欖燒烤樂園 
Address: 屯門青山公路小欖段DD384 LOT253
Tel.: 24599928
營業時間：
星期一至五: 14:00-01:00
星期六至日: 11:00-01:00
不設加一服務費
接受預先訂座: Yes
====================

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: http://blog.ulifestyle.com.hk/blogger/keresawong/

Pixnet: http://keresa.pixnet.net/blog