香港人做任何事都最緊要快! 平時趕返工, 趕食晏, 令人精神緊張。今晚相約一位多年冇見既舊同事出來聚, 特意揀左一間餐廳食"法國菜", 可以慢慢食, 同埋Relax一下緩和生活既緊張情緒…
餐廳內環境昏暗, 很有浪漫氣氛, 餐廳面積不大, 坐近窗邊更可以看到天橋上既車來車往。
呢度既menu只有一頁既套餐選擇, 而飲品就分別有非酒精同無酒精兩份menu。食法國菜唔一定要飲紅酒, 呢度既無酒精飲品都很有特色, 部分飲品從意大利入口, 暫時係香港未有得賣。
而我就揀左【Strawberry nectar】HK$78, 呢杯飲品不是餐廳調教出來, 而是一支裝飲品倒出, 出產地為法國。
飲落非常杰身, 甜甜地又帶少少酸, 濃而不會過甜。
先來一籃handmade麵包【Handmade Bread and Chef Special Bread Paste】
分別有芝麻包、芝士餅同埋香草包, 再配上三款醬, 可因個人喜好點黎食。醬汁有香草醬（帶少少鹹）,辣肉醬（偏甜帶少少辣）同埋欖檻加黑醋; 所有包烘至超脆, 咬落去脆卜卜
【法國穀飼牛肉他他,水煮鵪鶉蛋配牛油香蒜多士】
牛油香蒜多士非常香口, 餐廳建議食之前將鵪鶉蛋吉穿, 令蛋黃流出, 一切牛肉即散, 配上少少蛋汁, 牛肉肉質林, 濃郁既牛味很突出。
【法式海龍王湯】
入面有帶子，蜆，青口，蝦。蝦好爽，帶子滑口, 個湯味道很濃, 很甘, 飲完之後, 要用水沖淡一下口腔
【香煎鵝肝配貴妃焦糖燴蜜桃】
一看賣相已經很驚喜, 鵝肝size幾大, 鵝肝表面煎至帶點香脆, 旁邊有黑醋可以額外調味。鵝肝入口即溶, 至於伴碟既蜜桃就用荔枝酒浸過, 不過酒味唔太突出, 唔飲酒既朋友都可以食,
蜜桃略帶爽脆, 食完比較重口味既鵝肝, 以水果清新一下口腔再準備下一道美食。
【香煎波士頓龍蝦配龍蝦意大利飯】HK$738
龍蝦飯用龍蝦湯汁煮過, 每粒飯粒完全索左龍蝦湯汁既精華, 味道跟湯一樣濃, 龍蝦預先跟蝦離殼, 食用方便, 龍蝦很爽
食完濃味既主食, 餐廳就先送上柚子雪葩清新一下口腔
再送上一杯玫瑰茉你花茶, 散發著花香味
終於到甜品環節 -- 香蕉朱古力
賣相很像一個盤哉, 底層為香蕉蓉, 中層榛子, 面層oreal, 仲有少少薄脆, 口感層次豐富, 不會過甜, 很喜歡呢個甜品。
甜品之後還有一"蝙蝠蝴蝶酥", 餐廳解釋呢款小食喻意完滿, 係手製蝴蝶酥, 有好香既花香味, 味道較淡, 而朱古力為榛子果仁同埋咖啡味。
法國菜都是一碟一碟上, 整餐晚餐用了差不多四小時, 對於一般習慣"最緊要快"既香港人, 可能真的等到有點不耐煩。但間中可以放慢一下, 好好享受美食, 這才是人生。
————————————————
餐廳名稱：E Molto Buono
Address: 銅鑼灣霎西街28號必發商業大廈2樓
Tel.: 34210063
營業時間：
星期一至日: 19:00-00:00
設加一服務費
接受預先訂座: Yes
====================
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
留言列表
