曼谷暹羅廣場諾福特酒店
(Novotel Bangkok On Siam Square)
地址：392/44 Siam Square Soi 6, Rama I Road, 10330 Pathumwan
入住時間：11:00
退房時間：11:00
曼谷暹羅廣場諾福特酒店位於Shopping集中地既曼谷市中心, 距離SIAM BTS站只需一分鐘路程, 岩哂熱愛shopping既旅客, 買完擺返酒店, 落街再買過!
踏入酒店大堂, 千秋式既座椅令人有種渡假感覺,
另一邊係接待貴賓既餐廳, 空間感大~
酒店大堂還有一些康樂設施、電腦上網設備供住客使用 (當然房間設Free Wifi供應)
今次被安排入住 SUPERIOR ROOM
房間內有一張King size床, 床上放了一隻以毛巾摺成既象仔、一張Welcome memo,
茶几上更放有三粒馬卡龍作住客既Welcome food
房間空間感幾大, 打開了行李箱, 還有不少空間可以走動, 只嫌沒有沙發, 只有一張沒有椅背的椅子
設備都很齊全, 小雪櫃、夾萬、拖鞋、風筒都有提供
洗手間設淋浴, 面積都不算太小
沐浴露、洗頭水、護髮素、牙膏牙刷、番梘都有供應
酒店每天免費供應兩支水、咖啡沖劑等...
至於零食方面就要額外購買, 標明了價錢
而最討我歡心, 絕對是床頭的充電插蘇, 可以直接連按USB啊!!! 在床上用電話時可以邊充電, 很方便!
房間內更有香港式三腳充電插頭, 港人入住就算忘了帶"轉插"亦唔擔心充電問題。
望出窗外為曼谷市中心, 幾開揚
至於酒店早餐, 雖然款式多, 添加亦很頻密, 但味道方面不過不失,
唯一最值得一試就係 Whaffle, 烘至微脆, 加上練奶等配料, 不禁令我每天甜品當早餐!
酒店內還設有一個大泳池、幾張太陽椅
順帶一提, 酒店附近除了很近shopping景點外, 還有不少按摩專門店, 價錢平均HK$60/hour, 超抵!
雖然酒店不是新開張, 但酒店內設施都很整潔齊全, 交通亦很方便, 鄰近有不少購物景點, 值得考慮入住!
====================
Find me on
Instagram: https://www.instagram.com/keresawong.l.s/
Facebook: https://www.facebook.com/keresawong/
Blogspot: https://keresawongls.blogspot.hk/
Ublog: http://blog.ulifestyle.com.hk/blogger/keresawong/
Pixnet: http://keresa.pixnet.net/blog
留言列表
