自從上年係網上做定功課, 諗住係深圳?骨後食餐好, 點知去到先知餐廳已結業, 唯有去第二選擇既餐廳啦, 點知又係結業, 我先發現深圳介紹美食既BLOG根本係唔更新, 最後決定問一下當地人附近有沒有餐廳好介紹, 目的係唔想山長水遠去食一間中伏既餐廳。結果佢地介紹一間位於萬象城內既一間中菜館 ----- 綠茶。萬象城連接"大劇院站"B出口, 交通超方便。
綠茶 門面很大, 店內裝修擺設富中國氣派。以微信落單同埋付錢, 但遊客既我地沒有網路既關係, 都可以用原始方向在Menu上圈好給待應幫助下單。
食物款式都很多, 價錢相比香港來就真的是超級便宜!!! 但可能對於本地人來說算是高級價錢吧?!
我們兩個人不管價錢的點了幾款, 飽到捧住個肚走, 每人都係RMB115!!! 味道水準都是平均的好~
【招牌石鍋沸騰飯】 RMB38
石鍋熱辣辣滾住上檯, 飯粒被炸過, 再索左個湯底, 令飯粒帶微微煙韌而不會變糊狀, 啖啖清甜, 當中有少量菠菜增加賣相色彩。
【豆醬扒通菜】 RMB18
平時食通菜一係白烚加腐乳, 一係就蝦醬炒, 而呢個豆醬係用左唔辣既豆瓣醬炒, 每條通菜都索左個汁既精華, 爽脆又清甜~
【小叔家雞脆骨】 RMB38
呢款係我指定必食款式, 賣相看似很辣, 但只要唔夾集辣椒一齊食, 雞脆骨入口係唔會辣的! 雞脆骨加左芝麻一齊炸, 令味道更加香口, 軟骨爽脆, 口感、味道一流!!
【客家茄子煲】 RMB25
同樣熱得滾住上檯既茄子煲, 茄子切成一小粒, 方面入口, 茨汁較杰, 茄子索左個汁令質感很林而且入味, 入口即溶, 但油份稍為多左少少...
【菠蘿油條蝦】 RMB35
油炸鬼中包住少少蝦滑炸後, 表面平均沾上凍凍地既沙律醬, 不過炸油鬼偏硬, 而且食唔出入面蝦既味道, 這款菜唯獨最好食既就係甜甜既菠蘿。
【招牌原味奶茶】 RMB12
冰塊從外包住奶茶, 避免冰塊溶解令奶茶味道變淡, 奶茶很香滑, 奶跟茶味道平均, 正!!
最後當然要order埋甜品做完美總結啦!
【云霧椰汁湯丸】 RMB22
這款甜品上檯時從下散出乾冰既煙霧, 未食甜品前先滿足一下視覺效果, 不過椰汁沒有椰香味跟甜味, 還好有湯丸中的甜甜芝麻中和一下, 一共8粒, 這個價錢都算抵食!
【椰汁黑米露】 RMB22
呢度既椰汁本身已經不甜而且不帶椰香, 所以攪拌後跟沒有放椰汁一樣沒分別, 整體味道較淡。
茶水每位RMB3, 其實MENU上很多款都想試, 價錢對香港人來說不算貴, 餐廳整潔, 不擔心衛生問題, 下次一定再來幫襯~
************************************************
餐廳名稱：?茶(??万象城店)
Address: ?安南路1881???万象城一期中?5?599
Tel.: 0755-22389177 0755-22389277
不設加一服務費
營業時間:
星期一至日: 11:00-22:00
接受預先訂座: Yes
************************************************
留言列表
