Keresawong.L.S

韓國人氣綜合節目 - Running Man帶起左廣藏市場既知名度, 自此呢個市場亦都成為左旅遊必去景點!

廣藏市場
營業時間：10:00-22:00
鐘路五街站 129站 9號出口出站後，直走約100米即可到達廣藏市場的北門

整個市場既路線其實都係十字咁分四條路線咁行, 除左唔少各地旅客外, 地道既韓國人都唔少。

唔洗膽心會雞同鴨講, 其實呢度既韓國人太多識講簡單既普通話, 講得仲勁過我呢個香港人。
黎廣藏市場必定要食既係---綠豆煎餅、紫菜卷、魚糕
價錢亦都好平, 試哂呢D必食既, 都唔洗港幣100蚊!

其實無論你行盡東南西北, 幾乎檔檔都賣緊同樣既野食, 價錢都差不多, 究竟邊檔最多食?

今次我既策略係-------去到觀察邊檔最多食客幫襯就試個檔!
部份檔口更設座位比食客坐住食
路經見到呢檔既亞豬媽不停整綠豆煎餅, 好快又賣清, 我就決定係呢間買黎試試...

睇佢整綠豆煎餅時其實都覺得幾油, 但一場黎到, 當然要試試啦~

【綠豆煎餅】4,000W

同朋友Share一人一半, 以paper cup裝好, 可以邊行邊食, 熱辣辣, 入口外皮脆卜卜, 內有綠豆蓉、芽菜、蔥, 食落甜甜地, 口感有層次, 但其實冇想像中咁油。

行左陣又見到間有位坐住食既檔口, 剛剛有人走有位, 立即沖去呢檔食。
【紫菜卷】2,000W

韓國紫菜卷唔係即包, 因為主要唔係食佢既紫菜脆既口感, 而係重點在於味道,紫菜卷包住有黏性高既飯、青黃瓜同埋蘿蔔絲, 層次豐富, 整個味道有很香既芝麻油味, 隔離既汁甜甜地, 但就唔太清楚咩汁黎。 

【魚糕】3,000W

我覺得個重點係個湯底係超級超級清甜!!! 魚糕被浸至入味, 好林, 帶點鮮甜, 最後我忍唔住成碗湯飲哂!

廣藏市場都收得幾夜, 其實食完之後, 仲有精力唔想返酒店既話, 可以選擇行10分鐘左右去附近既東大門不夜城Shopping tim........

====================
Find me on

Instagram: https://www.instagram.com/keresawong.l.s/

Facebook: https://www.facebook.com/keresawong/

Blogspot: https://keresawongls.blogspot.hk/

Ublog: http://blog.ulifestyle.com.hk/blogger/keresawong/

Pixnet: http://keresa.pixnet.net/blog